ஆர்.ஓ வாட்டருக்கு (R.O Water) மாற்றாக இயற்கை வாட்டர் ஃபில்டரை பயன்படுத்தலாம்!

தங்கம் விற்கக் கூட லோக்கல் நடிகைதான் வருகிறார்... ஆனால் தண்ணீர் விற்க டெண்டுல்கரும் ஹேமமாலினியும் வருகிறார்கள். நீர் அத்தனை பெரிய வணிகமாகிவிட்டது. எளிய மக்களுக்குக்கூட ஆர்.ஓ என்றால் என்னவென்று தெரிகிறதோ இல்லையோ... அதன் மூலம் சுத்திகரிக்கப்பட்டால்தான் அது நல்ல தண்ணீர் என நம்ப வைக்கப்பட்டிருக்கிறார்கள். ஹோட்டலில் கூட ‘ஆர்.ஓ வாட்டரில் சமைத்தது’ என அறிவித்தால்தான் கூட்டம் வருகிறது. ஆனால், ‘‘ஆர்.ஓ., யு.வி என எல்லா சுத்திகரிப்பு முறையும் நம் ஆரோக்கியத்தைக் கெடுத்துக்கொண்டுதான் இருக்கிறது’’ என்கிறார் சந்திரசேகரன்.

நவீன நானோ டெக்னாலஜியையும் நமது பாரம்பரிய மண்பாண்டக்கலையையும் இணைத்து இயற்கையான குடிநீர் சுத்திகரிப்பு கருவி ஒன்றை உருவாக்கியிருப்பவர் இவர்.

ரோபோவை உருவாக்கும் ரோபோக்கள்

வீதி விபத்தை குறைக்கும் சாம்சுங்கின் புதிய முயற்சி.

தொழினுட்ப உலகில் கண் இமைக்கும் நேரத்தில் உலகத்தின் எங்கோர் மூலையில் ஒவ்வொரு கண்டுப் பிடிப்புகள் நிகழ்ந்து கொண்டிருக்கின்றன. அவை தினமும் காதை எட்டிய வண்ணமும் உள்ளன. இவ்வாறான தொழினுட்ப உலகில் போக்குவரத்து துறை என்பது முக்கிய ஒன்றாக காணப்படுகின்ற போதும் இதில் பாரிய பிரச்சினையாக வீதி விபத்துக்கள் பரிணமித்துள்ளன.

அண்மைகாலமாக இலங்கையிலேயே வீதி விபத்துக்கள் சடுதியாக அதிகரித்துள்ளன. இதே போன்றே உலகத்திலும் பாரிய பிரச்சினையாக காணப்படுகின்றது.

இந்நிலையில் இப்பிரச்சினைக்கு தீர்வாகவும் ஏனைய நிறுவனங்களுக்கு ஆலோசனை வழங்கும் வகையிலும் கொரியாவின் மிகப்பெரிய தொழில்நுட்ப நிறுவனமான சம்சுங் புதிய படைப்பொன்றை உருவாக்கியுள்ளது. அதாவது 'பாதுகாப்பு டிரக்" என்ற பெயரில் வாகனமொன்றை உருவாக்கியுள்ளது சம்சுங் நிறுவனம். 

அதாவது குறித்த டிரக் வாகனத்தில் பின்புறத்தில் பாரியதொரு வண்ணமயமான திரை காணப்படுகின்றது. அந்த திரையில் குறித்த டிரக் வாகனத்துக்கு முன்பாக வரும் வாகனங்கள் தெரியும். இதனால் டிரக் வண்டிக்கு பின்னால் வருகின்ற வாகனங்கள் இலகுவாக குறித்த வாகனத்தை கடந்த செல்ல கூடியதாக உள்ளது. இந்த நிறுவனத்தின் புதிய முயற்சியானது உலக மக்களிடம் மிகுந்த வரவேற்பை பெற்றுள்ளது.

காரணம் வீதியில் செல்லும் பாரிய டிரக் வண்டிகளை சிரிய ரக வாகனங்களை கடந்த செல்ல முற்படும் போதும் எதிரே வருகின்ற வாகனங்கள் தெரியாமல் இருப்பதனால் விபத்துக்களை சந்திக்கின்றன.

மேலும் சம்சுங் நிறுவனம் அண்மையில் ஆர்ஜன்டீனாவில் மேற்கொண்ட ஆய்வில் ஒரு மணித் தியாலத்துக்கு ஒருவர் வீதி விபத்தினால் உயிரிழக்கின்றனர். இதில் 80 வீதமான விபத்துக்கள் வாகனத்தை முந்திச் செல்லும் போது ஏற்படும் விபத்துக்கள் என தெரியவந்துள்ளது.

குறித்த தொழிட்னுட்ப வண்டியானது மிகப்பெரிய விளம்பர நிறுவனமான லியோ பேர்னட் மற்றும் இன்ஜ்மெடிகா தொழினுட்ப குழுவுடன் இணைந்து சம்சுங் நிறுவனம் தயாரிக்கப்பட்டுள்ளது.

வை பை சார்ஜ் விரைவில்

'வை-பை' இணையதளம் வழியாக செல்போனை 'சார்ஜ்' செய்யும் புதிய தொழில்நுட்பத்தை உருவாக்கும் முயற்சியில் வாஷிங்டன் பல்கலைக்கழக விஞ்ஞானிகள் தீவிரமாக ஈடுபட்டுள்ளனர்.

30 அடி தூரம் வரையில் காற்றலை வழியாக வயர்கள் ஏதுமின்றி 'வை-பை' இணையதளம் மூலம் செல்போன்களை 'சார்ஜ்' செய்யும்   ‘power over WiFi’  என்ற நவீன தொழில்நுட்பத்தை இவர்கள் ஆராய்ந்து வருகின்றனர்.

இந்த தொழில்நுட்பமானது வழக்கமாக வை-பை ரூட்டர்களில் இருந்து அனுப்பப்படும் ரேடியோ அலைவரிசை சக்தியை, பயன்பாட்டுக்கான நேரடி மின்சாரமாக மாற்றுவதன் மூலம் செல்போனுக்கு சார்ஜை ஏற்றுகிறது.

ஆனால், தற்போதுள்ள வை-பை தொழில்நுட்பத்தைக் காட்டிலும் இதற்கு சற்று மேம்படுத்தப்பட்ட ஹார்டுவேர் தேவை.

ஒரு ரூட்டரிலிருந்து எவ்வளவு மின்சாரத்தை 'அவுட் புட்' ஆக எடுக்க முடியும் என்பதைக் கண்டறிய புதிய மென்பொருள் ஒன்றும் உருவாக்கப்பட்டு ஆராய்ச்சி நடந்து வருகிறது.

இந்த தொழில்நுட்பத்தை ஏற்கனவே காமிராவில் 17 அடி தூரத்தில் இருந்து ஆராய்ச்சியாளர்கள் சோதனை செய்து பார்த்துள்ளனர். இதில், அதிகபட்சமாக 28 அடி தூரத்தில் டெம்பரேச்சர் சென்சார்கள் பேட்டரியை சார்ஜ் செய்வது உறுதியாகியுள்ளது.

அதேநேரத்தில், சார்ஜ் ஏறும்போது வை-பை இணையதள வேகத்திலும் எவ்விதத் தடங்கலும் ஏற்படவில்லை. இதையடுத்து, ஆராய்ச்சியாளர்கள் வெகு விரைவில் இந்தத் தொழில்நுட்பத்தை அன்றாடப் பயன்பாட்டுக்குக் கொண்டு வர முயற்சி செய்துவருகிறார்கள்.

வீட்டில் பயன்படுத்தும் வைபையை பாதுகாப்பது எப்படி

வைபை வசதி மூலம் வயர் இல்லாமல் கணினி, லாப்டாப் மற்றும் மொபைல்களில் இன்டெர்நெட் பயன்படுத்த முடியும். இது பலருக்கும் வசதியாக இருப்பதால் இன்று அனைவரும் வைபை பயன்படுத்த ஆரம்பித்துவிட்டனர். சிலர் அஜாக்கிரதையாக இருப்பதால் வைபை பல பிரச்சனைகளுக்கு வழிவகுக்கின்றது.

டூத் பேஸ்ட் இல்லாமல் பல் துலக்கும் தூரிகை அறிமுகம் - ஜப்பான்

காலையிலேயே அரை தூக்கத்துல எழுந்து, பேஸ்ட் வைக்காமலேயே வெறும் பிரஷ் எடுத்து பல்லு விலக்கி, எத்தனை முறை, நம்மில் எத்தனை பேரு பல்ப் வாங்கி அசிங்கப்பட்டு இருப்போம். இனிமே அப்பிடி அசிங்கப்படவே வேணாம்ப்பா, ஏன்னா... இனிமே பேஸ்ட் தேவைப்படாது, மிசோக்கா டூத்-பிரஷ் மட்டும் போதும்.

மிசோக்கா - ஒரு நானோடெக் டூத் பிரஷ், இது பேஸ்ட் இல்லாமலேயே பற்களை சுத்தம் செய்யும். இந்த பிரஷின் முட்கள் தண்ணீரில் அசையக்கூடிய நானோஐஸ்டு மினரல் ஐயன்ஸ் மூலம் பூசப்பட்டுள்ளது.

நானோஐஸ்டு மினரல் ஐயன்ஸ் பற்க்களின் இடையே கடந்து செல்லும் அதனால், இதற்கு பற்களின் அழுக்குகளை சுத்தம் செய்து வெண்மையாக்க, டூத்-பேஸ்ட் தேவையே இல்லை. பிரஷை ஒரு கிளாஸ் தண்ணீரில் மூழ்கி எடுத்து, பல் துலக்கிவிட்டு, பின் மறுபடியும் பிரஷை தண்ணீரில் மூழ்கி எடுத்துவிட்டு, வாய் கொப்பளித்தால் போதும், பிரஷிங் ஓவர்..!

மாதத்திற்க்கு ஒருமுறை இந்த பிரஷை மாற்றிக்கொள்ள வேண்டும். இதுநாள் வரை பேஸ்ட்டை மறந்தது போல, பிரஷை மாற்றுவதையும் நாம் மறந்து விடக்கூடாது என்றுதான், இதற்கு மிசோக்கா என்று பெயர் வைத்துள்ளனர், அதாவது மாதத்தின் கடைசி நாள் என்று அர்த்தம். ஜப்பான் மூளை ஜப்பான் மூளைதான்ய்யா..!

றேடியோ கதிர்களிலிருந்து குறிப்பிட்ட அளவு மின்சக்தியை தாமாகவே பெற்றுக்கொள்வற்கான புதிய தொழில்நுட்பம்

ஸ்மார்ட் கைப்பேசிகளிலிருந்து வெளியேறும் றேடியோ கதிர்களிலிருந்து (Radio Waves) அவை குறிப்பிட்ட அளவு மின்சக்தியை தாமாகவே பெற்றுக்கொள்வற்கான புதிய தொழில்நுட்பமொன்றை அமெரிக்காவின் ஓஹியோ ஸ்டேட் பல்கலைக்கழகத்தினை சேர்ந்தவர்களால் உருவாக்கப்பட்டுள்ளது.

Fixstars நிறுவனத்தினால் 6TB கொள்ளளவுடைய SSD கார்ட் அறிமுகம்

தற்போது டிஜிட்டல் சாதனங்களில் தரவுகளை சேமிப்பதற்கு (Solid State Disk) SSD கார்ட்களே அதிகளவில் பயன்படுத்தப்பட்டு வருகின்றன.

இந்நிலையில் தற்போது Fixstars நிறுவனம் 6TB கொள்ளளவினை உடையதும், 2.5 அங்குல அளவுடையதுமான SSD கார்ட்டினை உருவாக்கி அறிமுகம் செய்துள்ளது.

தாவரபசையினைப் பயன்படுத்திஅதிநவீன மின்கலம் உருவாக்கம்

தாவரங்களில் உள்ள குளிர்மை தன்மையான பசையினைப் பயன்படுத்தி அதிநவீன மின்கலத்தினை ஆராய்ச்சியாளர்கள் வடிவமைத்துள்ளனர்.

இம் மின்கலமானது கூடியஅளவு மின்சக்தியினை சேமித்து வைக்கக்கூடியதாக இருப்பதுடன் மென்மையானதாகவும், பாரம் குறைந்ததாகவும் காணப்படுகின்றது.

இது தவிர மீள்தன்மை (Elastic), வலிமை மிகுந்ததாகவும் இருக்கின்றது.

அமெரிக்க அரசாங்க தகவல்களில் நுழைந்த ஹக்கர்கள்

அமெரிக்க அரசாங்க பாதுகாப்பு தரவுகளில் அத்துமீறி நுழைந்த கணினி ஹக்கர்கள் தொடர்பில் சீன ஹக்கர்களை குற்றஞ்சாட்டியமை பொறுப்பற்றது என்று சீனா கூறியுள்ளது.

சைபர் தாக்குதல் எனப்படும், கணினி வலையமைப்பில் அத்துமீறி நுழைவது குறித்து முழுமையான புலன்விசாரணை நடத்தாது, ஒருவர் மீது சுட்டுவிரலை நீட்டி குற்றஞ்சாட்டுவது விஞ்ஞானத்துக்கு முரணானது என்று சீன வெளியுறவு அமைச்சு கூறியுள்ளது.

ஒரு லிட்டர் நீரில் தயாரிக்கப்படும் விளக்குகள்

8வது உலகின் எதிர்கால எரியாற்றல் உச்சி மாநாடு（ World Future Energy Summit）ஐக்கிய அரபு எமிரேட்ஸில் நடைபெற்றது. ஒன்று லிட்டர் (liter) ஒளி எனும் அறிவியல் தொழில் நுட்பச் சாதனை காரணமாக, பிலிப்பைன்ஸ் சேர்ந்த டியாஸ் என்பவர், இந்த உச்சி மாநாட்டில் அபுதாபி எதிர்கால எரியாற்றல் விருதைப் பெற்றுள்ளார். 

5ஜி தொழில் நுட்பத்தின் எதிர்காலம்

ஸ்பெயினின் பார்சிலோனா நகரில் நடைபெற்ற உலகச் செல்லிட செய்தித்தொடர்பு மாநாட்டில் பல கண்காட்சி திடல்களில் 5ஜி என்ற மிகப் பெரிய வாசகம் காணப்பட்டது. 5ஆவது தலைமுறை இணையக் காலம் இன்னும் வரவில்லை என்றபோதிலும், இது தொடர்பாக தொழில் நுட்பத்தின் ஆராய்ச்சியும் வரையறையின் உருவாக்கமும், வரலாற்றில் தவிர்க்க முடியாத போக்காக மாறியுள்ளது. 
தற்போது, 4ஜி என அழைக்கப்படும் 4ஆவது தலைமுறை இணையம், உலகில் முழுமையாக பரவல் செய்யப்படாமல் உள்ளது.

ரோபோ சிறுத்தையை உருவாக்கி அமெரிக்க நிபுணர்கள் சாதனை (watch video)

பாய்ந்து செல்லும் ரோபோ சிறுத்தையை அமெரிக்க நிபுணர்கள் உருவாக்கி சாதனை படைத்துள்ளனர்.பலவிதமான ரோபோக்கள் உருவாக்கப்பட்டு வருகின்றன இந்த நிலையில் அமெரிக்காவின் மகா சூலுட்ஸ் தொழில்நுட்ப ஆராய்ச்சி மையத்தை சேர்ந்த நிபுணர்கள் பாய்ந்து செல்லும் ரோபோ சிறுத்தையை தயாரித்துள்ளனர்.

ட்ரோன்கள் பயங்கரவாதிகளின் ஆயுதமாகும் ஆபத்து!

ஆளில்லாமல் பறக்கும் சாதனங்கள் (ட்ரோன்கள்) பல ரகங்களில், அளவுகளில் இப்போது விற்கப்படுகின்றன. ஜப்பானில், அணு உலைகளுக்கு எதிர்ப்பு தெரிவிக்க, கதிரியக்கம் செறிந்த மணலை ஒரு ட்ரோனில் வைத்து கடந்த மாதம் பிரதமர் வீட்டு கூரை மீது இறக்கி நிறுத்திவிட்டார், 40 வயதுக்காரர். சில நாட்கள் கழித்தே போலீசார் அதை கண்டுபிடித்து, அந்த நபரையும் கைது செய்தனர். பிரிட்டனில் ஒரு நபர்,

நீங்கள் யோகா செய்பவரா?... அப்போ இது உங்களுக்குத் தான்!.

உடலை திடகாத்திரமாகவும், ஆரோக்கியமாகவும் வைத்திருப்பதற்கு யோகாசனம் இன்றியமையாததாக காணப்படுகின்றது.

பண்டைய காலக் கலையான இதனை புதிய தொழில்நுட்பத்துடன் இன்றைய காலத்திற்கு ஏற்றாற்போல் செய்வதற்கு SmartMat எனும் நில விரிப்பு அறிமுகம் செய்யப்பட்டுள்ளது.

கிரெடிட் கார்டு அளவிலான போன்!

எதிர்கால பிலிப்ஸ் போன்

எதிர்கால ஸ்மார்ட்போன் வகைகள்தான் எத்தனை வகை. பிலிப்ஸ் நிறுவனம் தனது எதிர்கால ஸ்மார்ட்போன் வடிவமைப்பை கடந்த சில ஆண்டுகளுக்கு முன்பு வெளியிட்டிருந்தது. மிக மெலிதாக கிரெடிட் கார்டு அளவில் இருக்கிறது இந்த போன். இதை வழக்கமான போன் பயன்படுத்துவது போல பயன்படுத்திக் கொள்ளலாம். தேவைக்கேற்ப கைகளில் சுற்றிக்கொள்ளவும் செய்யலாம்.

சம்சுங் நிறுவனத்தின் வயர்லெஸ் சார்ஜ் தொழில்நுட்பத்தினைக் கொண்ட ஸ்மார்ட் கடிகாரம்

சம்சுங் நிறுவனம் விரைவில் வயர்லெஸ் தொழில்நுட்பம் மூலம் சார்ஜ் செய்யக்கூடிய ஸ்மார்ட் கைக்கடிகாரத்தினை அறிமுகம் செய்யவுள்ளது.

இது தொடர்பாக சம்சுங் நிறுவனம் வெளியிட்டுள்ள தகவலின்படி இக்கடிகாரமானது Orbis  எனும் பெயருடன் வட்ட வடிவமாக வடிவமைக்கப்பட்டுள்ளது.

ரோபோக்களை கட்டுப்படு​த்தும் Tablet-கள் (Video)

கடந்த 60 வருடங்களுக்கு மேலாக தொழிற்சாலைகளில் ரோபோக்களின் பங்களிப்பானது தொடர்ந்த வண்ணம் காணப்படுகின்றது.

எனினும் இந்த ரோபோக்களை இயக்குவதற்கு மனித மூளை மற்றும் வலு என்பன அவசியமாகக் காணப்பட்டன.

இதன் காரணமாக விபத்துக்கள் ஏற்படுவதை பெரும்பாலான சந்தர்ப்பங்களில் தவிர்க்க முடியாத ஒன்றாக காணப்பட்டு வந்தது.

மனிதனின் உணர்ச்சிகளை கண்டுபிடிக்கும் ரோபோவை உருவாக்கி விஞ்ஞானிகள் சாதனை

பேச்சு, முக பாவம் ஆகியவற்றை கொண்டே ஒருவரது உணர்ச்சிகளை கண்டுபிடிக்கும் ரோபோவை பின்லாந்து விஞ்ஞானிகள் உருவாக்கியுள்ளனர்.

மனிதனின் உணர்ச்சிகளை கண்டுபிடிக்கும் ரோபோவை உருவாக்கும் ஆராய்ச்சியில் பின்லாந்தின் அவுலு பல்கலைக்கழக பேராசிரியர்கள் மேடி பிடிகெய்னன், ஜுகா ரோனிங் தலைமையிலான குழுவினர் தீவிரமாக ஈடுபட்டிருந்தனர்.

கணணி தொழினுட்பத்தின் எதிர்காலம்!

அடுத்த 10 ஆண்டுகளில் கணணியில் என்ன என்ன மாற்றங்கள் வரும் என்பதை கணித்து நிபுணர்கள் வெளியிட்டுள்ளனர்.அதிக இடத்தை எடுத்துக் கொண்டு மெதுவாகவும், சூடாகவும் இயங்கும் சிலிகான் நீக்கப்படும். கணணியின் புதிய கட்டமைப்பில் குறைவான அளவில் எலக்ட்ரான்களும் அதிக அளவில் ஆப்டிகல் இழைகளும் பயன்படும். ஆப்டிகல் கணணிகள் வரும் நாள் வெகு தொலைவில் இல்லை.