கலாச்சாரங்களுடனும் தொடர்புடையதானது. சமீபத்தில், இது கருப்புத் தேநீர் பாரம்பரியமாக அதிக அளவிற்கு அருந்தப்படுகின்ற மேற்கில் மிக அதிகமாகப் பரவியுள்ளது. பசும் தேநீரின் பல வகைகள் அது வளர்க்கப்படும் நாடுகளில் உருவாக்கப்படுகின்றன. இந்த வகைகள் பல்வேறு வளர்ப்பு நிலைகள், நிகழ்முறையாக்கங்கள் மற்றும் சாகுபடி காலம் ஆகியவற்றின் காரணமாக குறிப்பிடத்தகுந்த அளவிற்கு மாறுபடலாம்.
கடந்த பல பத்தாண்டுகளில் நீண்டகாலமாக சொல்லப்பட்டுவரும் அதனுடைய ஆரோக்கிய பலன்களை தீர்மானிப்பதற்கு பல அறிவியல் மற்றும் மருத்துவ ஆராய்ச்சிகளுக்கு பசும் தேநீர் உள்ளாகி வந்திருக்கிறது, தொடர்ந்து பசும் தேநீர் அருந்துபவர்களுக்கு இதய நோய் ஏற்படும் வாய்ப்புக்கள் மற்றும் சில குறிப்பிட்ட வகையிலான புற்றுநோய்கள் ஏற்படும் வாய்ப்புகள் குறைவதாகவும் சில ஆதாரங்கள் குறிப்பிடுகின்றன. "எடை குறைப்பு நிகழ்முறைக்கு" பசுந் தேநீர் பயன்மிக்கதாக இருப்பதாகவும் சொல்லப்படுகிறது - பப்மெட் போன்ற மருத்துவ தரவுத்தளத்தின் கூற்றுப்படி இது எந்தவிதமான மருத்துவ ஆதாரங்களும் இல்லாததாகும்.
சுகாதார ரீதியில் பசும் தேநீரின் தாக்கம்.
பசும் தேநீர் ஆரோக்கியத்தை மேம்படுத்துவதாகக் கருதப்படும் பாலிஃபினாலைக் கொண்டிருக்கின்றன, குறிப்பாக எபிகேலோகேட்டசின் கேலட்டை ஏராளமாகக் கொண்டிருக்கும் கேட்டசின்கள். செயற்கை சுற்றுச்சூழல் மற்றும் விலங்கு ஆராய்ச்சிகளும், மற்றும் மனிதர்களின் தொடக்கநிலை கண்காணிப்பு மற்றும் மருத்துவ ஆராய்ச்சிகளும் பசும் தேநீர் கார்டியோவாஸ்குலர் நோய் மற்றும் புற்றுநோய் ஏற்படும் அபாயத்தைக் குறைக்கிறது என்பதோடு எலும்பு அடர்த்தி, அறிவுச் செயல்பாடு, பற்சிதைவுகள் மற்றும் சிறுநீரகக் கல் போன்றவற்றிலும் பயன்மிக்க தாக்கத்தை ஏற்படுத்துவதாக குறிப்பிடுகின்றன. இருப்பினும், மனித ஆராய்ச்சிகள் சில போது கலவையானதாகவும் சீரற்றதாகவும் இருக்கின்றன. பசும் தேநீர் காரோடெனாய்ட்ஸ், டோகோபெரோல்ஸ், அஸ்கார்பிக் அமிலம் (விட்டமின் சி), மற்றும் குரோமியம், மாங்கனிஸ், செலெனியம் அல்லது துத்தநாகம் போன்ற தாதுக்களையும் குறிப்பிட்ட பைத்தோகெமிக்கல் கலவைகளையும் கொண்டிருக்கின்றன. இது கருப்பு தேநீரைக் காட்டிலும் மிக அதிகமான ஆண்டியாக்ஸிடண்ட்கள் உள்ளது, இருப்பினும் கருப்புத் தேநீர், கொண்டிருக்கும் தியாஃபிளவின் போன்ற உட்பொருட்களை பசும் தேநீர் கொண்டிருப்பதில்லை.
கொள்ளைநோய்ப் பரவல் ஆய்வுகளில் குறைக்கப்பட்ட இதய நோயோடு பசும் தேநீர் அருந்துதல் சம்பந்தப்பட்டிருப்பதாக தெரிகிறது. விலங்கு ஆய்வுகளில் இது கொழுப்புக்களை குறைப்பதாக கண்டுபிடிக்கப்பட்டுள்ளது. இருப்பினும், சில சிறிய, குறுகியகால மனிதப் பரிசோதனைகள் தேநீர் அருந்துவது மனிதர்களிடத்தில் கொழுப்பைக் குறைப்பதில்லை என்று கண்டுபிடிக்கப்பட்டுள்ளது. 2003 ஆம் ஆண்டில் நடத்தப்பட்ட தற்செயலான மருத்துவப் பரிசோதனையில் கருப்புத் தேநீரிலிருந்து எடுத்து பசும் தேநீருடன் கலக்கப்பட்ட தியாஃபிளவின் கொழுப்பைக் குறைப்பதாக கண்டுபிடிக்கப்பட்டுள்ளது.
பர்மிங்காம் பல்கலைக்கழகத்தில் செய்யப்பட்ட ஆராய்ச்சியில், சராசரியான கொழுப்பு ஆக்ஸிஜனேற்ற விகிதங்கள் ஃபிளசிபோ உட்செலுத்தப்பட்ட பிறகு உள்ள நிலையைக் காட்டிலும் பசும் தேநீர் உட்செலுத்தப்பட்ட பின்னர் நிலை 17 சதவிகிதம் அதிகமாக இருப்பதாக தெரிய வருகிறது. இதேபோன்று மொத்த ஆற்றல் செலவினத்திற்கான கொழுப்பு ஆக்ஸிஜனேற்றத்தின் பங்களிப்பு பசும் தேநீர் உட்செலுத்தலைத் தொடர்ந்து இதேபோன்ற விகிதத்தினால் குறிப்பிடத்தகுந்த அளவிற்கு அதிகரித்து காணப்படுகிறது. மிதமான தீவிர உடற்பயிற்சியின்போது பசும் தேநீர் உள்ளெடுப்பு கொழுப்பு ஆக்ஸிஜனேற்றத்தை மட்டும் அதிகரிக்கச் செய்வதில்லை, இது இளைஞர்களிடத்தில் இன்சுலின் உணர்திறன் மற்றும் குளுக்கோஸ் ஏற்பு ஆகியவற்றையும் மேம்படுத்துகிறது.
 |
| கிரீன் டி கேக் |
டெக்னியானில் நடத்தப்பட்ட ஆய்வில், பார்கின்ஸன் மற்றும் அல்சைமர் நோய்கள் தூண்டப்பெற்ற எலிகளிடத்தில் பசும் தேநீரின், இஜிசிஜி, முக்கியமான ஆண்டியாக்ஸிடண்ட் பாலிஃபினால் இறந்துபோவதிலிருந்து மூளைச் செல்களை பாதுகாக்க உதவுகிறது என்பதோடு முன்பே சேதமடைந்துவிட்ட மூளையிலுள்ள நியூரான்களையும் 'மீட்கிறது' என்று நிரூபிக்கப்பட்டுள்ளது, இந்த அரிய நிகழ்வு நியூரோரெஸ்க்யு அல்லது நியூரோரீஸ்டோரேஷன் எனப்படுகிறது. டாக்டர் சில்வியா மேண்டலால் நடத்தப்பட்ட இந்த ஆய்வின் கண்டுபிடிப்புகள் 2007 ஆம் ஆண்டில் தேநீர் மற்றும் மனித ஆரோக்கியம் குறித்த நான்காவது சர்வதேச அறிவியல் கருத்தரங்கில் வழங்கப்பட்டன. மைக்கேல் ஜே. ஃபாக்ஸ் ஃபுவுண்டேஷனின் வழிகாட்டுதலின் கீழ் நடந்துவரும் முடிவான பரிசோதனைகள் முன்னதாக பார்கின்ஸன் நோய் இருந்த நோயாளிகளிடத்தில் நடத்தப்பட்டன.
ஸ்லவெனியா, லுஜபுஜானாவில் உள்ள தேசிய ரசாயன நிறுவனத்தில் நடத்தப்பட்ட ஆய்வு பசும் தேநீரிலிருந்து கிடைக்கும் இஜிசிஜி பி துணைப்பொருளின் ஏடிபி பைண்டிங் சைட்டிற்கான உறைதலால் அத்தியாவசிய பாக்டீரியல் என்சைமான கைரேஸால் தடுக்கப்படுகிறது என்பதை நிரூபித்துள்ளது. இந்தச் செயல்பாடு பசும் தேயிலைச் சாற்றின் ஆண்டிமைக்ரோபயல் செயல்பாட்டிற்கு காரணமாகலாம் என்பதோடு வாய் சுகாதாரத்தில் பசும் தேநீரின் பயன்மிக்க தன்மைக்கு பொறுப்பேற்பதாக இருக்கலாம்.
2,018 பெண்களின் உணவுப் பழக்கங்கள் குறித்து நடத்தப்பட்ட சமீபத்திய கேஸ்-கண்ட்ரோல் ஆய்வில், காளான்கள் மற்றும் பசும் தேநீரின் நுகர்வு மார்பகப் புற்றுநோய் 90 சதவிகிதம் வரை குறைவதோடு தொடர்புபடுத்தப்படுகிறது.
கிரீன் டீயின் நன்மைகள்
1. ரத்தத்தில் உள்ள கெட்ட கொலஸ்ட்ராலை குறைக்கிறது.
2. உயர் ரத்த அழுத்தத்தை கட்டுப்படுத்துகிறது.
3. உடலில் உள்ள தேவைக்கு அதிகமான கலோரிகளை வேகமாக எரித்தது தேவையற்ற கொழுப்பை குறைத்தது உடல் எடையை சீராக வைக்க உதவுகிறது.
4. ரத்த குழாயில் அடைப்பு ஏற்படுவதை குறைக்கிறது.
5. இதய நோய் வராமல் தடுக்கிறது.
6. ரத்தத்தில் உள்ள சக்கரை அளவை கட்டுப்படுத்துகிறது.
7. உடலில் உள்ள திரவ அளவை சமன் செய்து சோம்பலை போக்குகிறது.
8. புற்றுநோய் வராமல் தடுக்கிறது.
9. புற்றுநோய் செல்களை வளரவிடாமல் தடுக்கிறது.
10. எலும்பில் உள்ள தாதுபொருட்களின் அடர்த்தியை அதிகரித்து எலும்பை பலப்படுத்துகிறது.
11. பற்களில் ஏற்படும் பல் சொத்தையை தடுக்கிறது.
12. வாய் துர்நாற்றத்தை நீக்குகிறது.
13. ஞாபக சக்தியை அதிகரிக்கிறது.
14. சருமத்தை பாதுகாத்து இளைமையாக வைக்கிறது.
15. பருக்கள் வராமல் தடுக்கிறது.
15. நரம்பு சம்பந்தமான நோய்களை தடுக்கிறது.
16. மூட்டு வலியை தடுக்க உதவுகிறது.
17. உடலில் ஏற்படும் புண்கள் காயங்கள் விரைந்து குணமாக உதவுகிறது.
செய்முறை
பசும் தேயிலை காய்ச்சப்படும் நேரம் மற்றும் வெப்பநிலை ஆகியவை தனிப்பட்ட தேநீர்களால் மாற்றமடைகின்றன. மிகவும் வெப்பமான தண்ணீர் காய்ச்சப்படும் வெப்பநிலைகள் 180 °F முதல் 190 °F (81 °C to 87 °C) வரை இருக்கிறது, நீண்டநேரம் ஊறவைக்கப்படும் நேரம் 2 முதல் 3 நிமிடங்கள் வரையிலுமாக இருக்கிறது. மிகவும் குளிர்ச்சியான காய்ச்சும் வெப்பநிலைகள் 140 °F முதல் 160 °F (61 °C to 69 °C) வரை இருக்கிறது, குறுகிய கால அளவு 30 நொடிகள். பொதுவாக, குறைந்த தரமுள்ள பசும் தேயிலைகள் வெப்பமாகவும் நீண்டநேரமும் ஊறவைக்கப்படுகின்றன, உயர் தரமுள்ள தேயிலைகள் குளிர்ச்சியாகவும் குறுகிய காலத்திற்கும் ஊறவைக்கப்படுகின்றன. பசும் தேயிலையை அதிக வெப்பமாகவோ அல்லது நீண்ட நேரத்திற்கோ ஊறவைப்பது தரம் குறைவான இலைகளுக்கு கசப்பான, கடுகடுப்பு சுவைக்கு காரணமாகிறது. உயர் தரமுள்ள பசும் தேநீர்கள் பல்வேறு தடவைகளுக்கு ஊறவைக்கப்படுகின்றன; 2 அல்லது 3 முறைகளுக்கு ஊறவைத்தல் வகைமாதிரியானது. இந்த காய்ச்சும் உத்தியானது மிகையாக சமைக்கப்பட்ட சுவையை உருவாக்குவதை தவிர்ப்பதில் மிக முக்கியமான பங்காற்றுகிறது. முன்னுரிமையளிக்கும் விதமாக, தேநீர் ஊறவைக்கப்படும் கொள்கலன் அல்லது தேநீர்ப்பாத்திரம் முன்னதாகவே வெப்பமேற்றப்பட வேண்டும், இதனால் தேநீரானது உடனடியாக குளிர்ச்சியடைந்துவிடாது.
ஆகவே நாம் பசும் தேநீர் அருந்துவது மிகவும் நல்லதாகும்.